مخنوق يا دنيا …… يا دنيا غش و ذور و ظلم
يا دنيا ليه بتوعدينا
ويوم ما نجري وراكي بالجزمه بتدينا
يا دنيا ليه إحنا منك و أنتي منا ومع ذلك بتبعينا
وحيد انا في دنيا مالهاش قرار
فيها ناس في قلوبهم سواد و نار
و ناس تانيه في قلوبهم حب الخير والخضار
لكنهم قليلين
على دكة الأحتياطي قاعدين
مش عارفين رايحين على فين ولا جايين منين
تايهين …… تايهين في بحر الحياة الواسع العميق
تايهين في دنيا الحب فيها هو الغريق …….
أنا مين …….
أنا مين و رايح على فين
أنا عارف بس مش عارف أروح منين
و أعمل أية
كل الطرق متأفله
كل الحدود متربسه
كل العيون متربصه
لأي نبتة حب تطلع في المسا ……..
مخنوق يا ناس قولولى اعمل ايه
هى الدنيا مفيش فيها غيرى ولا ايه
كل الجراح من نصيبى والفراق هو دليلى
واعمل ايه يا ناس انا مخنوق
نفسى زمان يرجع ولو للحظه واحده
والدنيا تفرح معايا ولو على الماشى مره واحده
مخنوق واعمل ايه قولولى اعمل ايه
اعمل ايه
مخنوق من كل حاجه حوليا
مخنوق
نفسى الدنيا تضحك من تانى
ونفسى الناس ترجع زى زمان علشان مقولشى تانى كلمة مخنوق
